【图】大时代刘松仁神级演出一镜过 网民望重播被删减镜头

23年后重播依然有很大回响，松哥没有出奇反应，他昨在电话中淡然说：“??时都好大回响，可能o依家有批长大咗观众。”松哥一向擅演官仔骨骨的少爷，扮演低智商人士仍是第一次，亦是唯一一次，他自言每个角色都用心去演，他说：“个个角色都难演，唔会话易。”演痉挛神似？他笑说：“可能我阵真系有啲痉挛呢！”虽然拍电视剧没有太多时间酝酿情绪，但松哥一埋位便能逼出真眼泪，他说：“我都好少假（喊），因为前戏演咗一段时间，已经入咗个角色，一场戏（跪地戏）我同导演讲要一take过拍晒我，唔好cut shot。”感情位去到好尽？他说：“系，如果再拍take唔番。”
松哥演戏技惊四座，却未登上视帝，问他可觉遗憾？松哥豁然地说：“我拍戏咁耐，从来都唔睇呢样嘢，我针对戏里面嘅角色，最重要作品出嚟可唔可以令人记得，要大家都钟意。而收视好唔好，外面评语点我都唔理太多，我只做好自己，最重要自己知乜嘢系好，乜嘢系唔好。”边场最深刻？他说：“唔可以分开嚟讲，冇前面嘅戏，去到场喊戏又唔会咁震撼。”
进新的惨情遭遇，连一齐叠报纸的游飚都被感动，镜头前眼湿湿亦是真情流露，游飚说：“我记得喺中环一条街度叠报纸，??场戏记忆都好深，演员唔系一样独立东西，系一个team work，好需要互动。演员最难演就系感觉，成场戏主位一定系松哥，松哥带动我哋投入??件事。”眼湿湿？他说：“一定有啦，我哋系习惯性投入，唔可以同导演讲畀两个钟去入戏，俾人一脚伸开你啦！”而四兄妹在家中教爸爸叠报纸的唐宁则说：“我细个印象唔太深，只记得爸爸儍咗。佢有两个状态，当时觉得佢好叻，点解咁唔同都做得咁好呢？”

上一页1234下一页