【图】黄子华 好出奇 黄子华经典语录大总结 针针见血

24.从来其实系一个好确实噶数字来噶，从来其实就系讲紧第三次。如果一个人，距衰多过两次，衰到第三次，距就从来都咁衰噶嘞。阿妈闹仔就系啦。“做功课嘞吓。”“啊，我第二次叫你做功课嘞吓。”“啊，你从来都唔做功课噶喔。”…..——《越大镬越快乐》
25.原来处男系无资格决斗噶。咁你淋下又啱噶。“我占东猛龙，你边位啊？”“石澳处男，迟两年再来过啊。”处男系无资格死噶。——《无炭用》
26.男人见到猪扒系好唔安乐，女人见到猪扒就好快乐。——《无炭用》
27.我到宜家都认为全香港写过最好噶一个剧本，就系香港电台教育电视部制作噶一个叫做《打电话问功课》噶剧本……距里面噶人物呢好有英雄感噶，你问距乜都识答噶。“请问你乜叫‘发鸡盲’呢？”“哦，呢位同学，发鸡盲其实有一个学名叫‘夜盲症’，距噶成因呢就系…..”“请问你乜叫做二硫氧化氢啊？”“哦，呢位同学二硫氧化氢系一种化学品噶名称，有阵屁咁噶味。咁距噶化学成分分别系……”“请问你咩叫做‘beat the shit out of him’？”“哦，‘beat the shit out of him’系出自莎士比亚噶名著《打到出事》。”“请问你乜叫人生的意义啊？”“哦，呢位同学，人生的意义即系，两个发鸡盲乘以三个二硫氧化氢再加埋beat the shit out of him。好啦，听日同样时间我地再解答罗同学有关倚梦噶问题。”——《娱乐圈血泪史》
28.以前我觉得呢个世界上任何野都系有答案噶。譬如话，我地做人，点解要做人呢，点解做人要咁烦，点解每日要九点钟返工呢？因为够钟咯。咁点解每日我地有九点钟够钟呢样也呢？因为你地唔肯用浮动上班时间啊嘛。点解呢个世界咁多苦难，点解有战争啊？因为我地有武器啊嘛。咁点解我地有武器先得噶？因为距地有武器咯。乜野野都系有答案噶。直到我失恋，我问啊Mary：“点解你唔中意我？”Mary就比左个好经典噶答复我，距话：“爱情，系无点解噶，系无得解释噶，唔好问啦。”如果啊sir问野都可以咁答就好咯。“黄子华，燃烧点解要氧气啊？”“啊sir，燃烧系无点解噶，唔可以解释噶，唔好问啦。”——《色情家庭》
29.若要人不知，唔好太低B——《栋笃神探》

上一页123下一页