【图】爱情三部曲罗生门麦浚龙倾情演唱  引起全城热爆

Wyman续说：“之后Juno又畀电话我：不如呢首歌、呢个故仔、呢个男主角，我哋舖排成一张6只歌嘅EP，将歌曲里面每个人物都活化、立体化，佢第一样谂到呢首歌里面嘅‘你’，o依家分开后重新拍拖嘅‘她’，揾两个女歌手饰演真人版，所以有《念念不忘》，好多人钟意，我哋开始苦恼，故仔应该点舖排，其实仲有莫文蔚同Juno合唱《瑕疵》，莫文蔚饰演女朋友，之后到谢安琪呢首（《罗生门》），我提议不如反转嚟写，女仔眼中世界其实同男主角唔一样。” 

Juno新专辑 分正传外传 
Wyman表示构思呢几部曲系见步行步：“唔系好有组织同计划，因为做一首歌冇谂到有第二首，第二首时未知第三首系点，呢只碟有6首歌，《耿耿于怀》（不在新碟内）、《念念不忘》、《罗生门》系正传，其他几首系外传，包括莫文蔚合唱《瑕疵》、周国贤合唱《雷克雅未克》，Juno独唱《睡前服》、《单鱼座》，呢6首歌加埋其实系一部微电影，不过冇拍到出嚟，我觉得好嘥。” 
讲到周国贤合唱嘅《雷克雅未克》呢首歌，Wyman表示系另一个“罗生门”，佢话：“因为喺Juno眼中系呢个故仔其中一个人物，仲系压轴出现?，但喺我眼中系另一个故仔人物，不过两条线喺呢张唱片有交错，正如《阿飞正传》嘅梁朝伟。” 

上一页123下一页