【图】袁嘉敏豪情电影三点尽露    其扮阿姐狂勾引古天乐

09年“最上镜小姐”入行的港姐袁嘉敏（Candy），在大台蹉跎四年后转投影圈，因为在杜汶泽孭飞的《3D豪情》话剥唔剥被闹爆的她，最近终于的起心肝，在王晶执导的叁级新戏《鸭王》叁点尽露。袁嘉敏表现进取，她甚至打古天乐主意，经常借故探班，搏埋身，越级沟仔被藐爆！已经望叁张的袁嘉敏，在电视剧《潜行狙击》做情妇成为高登女神后，趁稍有人气，约满即走！转会黄栢高揸旗的太阳娱乐拍电影，先后拍了叁部戏，但始终未能坐正做女主角。“本来讲好咗喺阿泽部《3D豪情》露两点，但去到最后关头见自己戏份唔多就扭计唔肯剥，搞到阿泽好烦，当面闹爆佢无口齿。”知情者说。出尔反尔的袁嘉敏，终于睇钱份上，宣布剥清接拍王晶新戏《鸭王》。上週四（十月二日）中午，有王晶睇起的她以女主角身份出席电影《殭尸》活动，全程四万咁口。“Candy觉得自己条件好好，只係无綫唔识宝冇捧佢。过档太阳娱乐后，佢成日打电话搵Paco，问公司会有啲乜嘢计划配合佢，好主动！有时出活动，佢又指定要搵阿Zing化妆，同埋要公司帮佢搵大牌子嘅服装赞助，总之当正自己係一姐，大家都觉得佢好麻烦。”

123下一页